פרויקט 929 - שמות כ"ד - יום רביעי 1.4.15 י"ב בניסן תשע"ה

(א)וְאֶל-משֶׁה אָמַר עֲלֵה אֶל-יְהֹוָה אַתָּה וְאַהֲרֹן נָדָב וַאֲבִיהוּא וְשִׁבְעִים מִזִּקְנֵי יִשְֹרָאֵל וְהִשְׁתַּחֲוִיתֶם מֵרָחֹק:
(ב)וְנִגַּשׁ משֶׁה לְבַדּוֹ אֶל-יְהֹוָה וְהֵם לא יִגָּשׁוּ וְהָעָם לא יַעֲלוּ עִמּוֹ:
(ג)וַיָּבֹא משֶׁה וַיְסַפֵּר לָעָם אֵת כָּל-דִּבְרֵי יְהֹוָה וְאֵת כָּל-הַמִּשְׁפָּטִים וַיַּעַן כָּל-הָעָם קוֹל אֶחָד וַיֹּאמְרוּ כָּל-הַדְּבָרִים אֲשֶׁר-דִּבֶּר יְהוָֹה נַעֲשֶֹה:
(ד)וַיִּכְתֹּב משֶׁה אֵת כָּל-דִּבְרֵי יְהֹוָה וַיַּשְׁכֵּם בַּבֹּקֶר וַיִּבֶן מִזְבֵּחַ תַּחַת הָהָר וּשְׁתֵּים עֶשְֹרֵה מַצֵּבָה לִשְׁנֵים עָשָֹר שִׁבְטֵי יִשְֹרָאֵל:
(ה)וַיִּשְׁלַח אֶת-נַעֲרֵי בְּנֵי יִשְֹרָאֵל וַיַּעֲלוּ עֹלת וַיִּזְבְּחוּ זְבָחִים שְׁלָמִים לַיהוָֹה פָּרִים:
(ו)וַיִּקַּח משֶׁה חֲצִי הַדָּם וַיָּשֶֹם בָּאַגָּנֹת וַחֲצִי הַדָּם זָרַק עַל-הַמִּזְבֵּחַ:
(ז)וַיִּקַּח סֵפֶר הַבְּרִית וַיִּקְרָא בְּאָזְנֵי הָעָם וַיֹּאמְרוּ כֹּל אֲשֶׁר-דִּבֶּר יְהוָֹה נַעֲשֶֹה וְנִשְׁמָע:
(ח)וַיִּקַּח משֶׁה אֶת-הַדָּם וַיִּזְרֹק עַל-הָעָם וַיֹּאמֶר הִנֵּה דַם-הַבְּרִית אֲשֶׁר כָּרַת יְהוָֹה עִמָּכֶם עַל כָּל-הַדְּבָרִים הָאֵלֶּה: 
(ט)וַיַּעַל משֶׁה וְאַהֲרֹן נָדָב וַאֲבִיהוּא וְשִׁבְעִים מִזִּקְנֵי יִשְֹרָאֵל:
(י)וַיִּרְאוּ אֵת אֱלהֵי יִשְֹרָאֵל וְתַחַת רַגְלָיו כְּמַעֲשֵֹה לִבְנַת הַסַּפִּיר וּכְעֶצֶם הַשָּׁמַיִם לָטֹהַר:
(יא)וְאֶל-אֲצִילֵי בְּנֵי יִשְֹרָאֵל לא שָׁלַח יָדוֹ וַיֶּחֱזוּ אֶת-הָאֱלהִים וַיֹּאכְלוּ וַיִּשְׁתּוּ:
(יב)וַיֹּאמֶר יְהֹוָה אֶל-משֶׁה עֲלֵה אֵלַי הָהָרָה וֶהְיֵה-שָׁם וְאֶתְּנָה לְךָ אֶת-לֻחֹת הָאֶבֶן וְהַתּוֹרָה וְהַמִּצְוָה אֲשֶׁר כָּתַבְתִּי לְהוֹרֹתָם: 
(יג)וַיָּקָם משֶׁה וִיהוֹשֻׁעַ מְשָׁרֲתוֹ וַיַּעַל משֶׁה אֶל-הַר הָאֱלהִים:
(יד)וְאֶל-הַזְּקֵנִים אָמַר שְׁבוּ-לָנוּ בָזֶה עַד אֲשֶׁר-נָשׁוּב אֲלֵיכֶם וְהִנֵּה אַהֲרֹן וְחוּר עִמָּכֶם מִי-בַעַל דְּבָרִים יִגַּשׁ אֲלֵהֶם:
(טו)וַיַּעַל משֶׁה אֶל-הָהָר וַיְכַס הֶעָנָן אֶת-הָהָר:
(טז)וַיִּשְׁכֹּן כְּבוֹד-יְהוָֹה עַל-הַר סִינַי וַיְכַסֵּהוּ הֶעָנָן שֵׁשֶׁת יָמִים וַיִּקְרָא אֶל-משֶׁה בַּיּוֹם הַשְּׁבִיעִי מִתּוֹךְ הֶעָנָן:
(יז)וּמַרְאֵה כְּבוֹד יְהֹוָה כְּאֵשׁ אֹכֶלֶת בְּרֹאשׁ הָהָר לְעֵינֵי בְּנֵי יִשְֹרָאֵל:
(יח)וַיָּבֹא משֶׁה בְּתוֹךְ הֶעָנָן וַיַּעַל אֶל-הָהָר וַיְהִי משֶׁה בָּהָר אַרְבָּעִים יוֹם וְאַרְבָּעִים לָיְלָה:

לאחר נתינת עשרת הדיברות ופירוט החוקים, אלוהים אומר למשה שיעלה אליו להר.
אהרון, נדב ואביהוא ושבעים מזקני ישראל יישארו למטה וישתחוו מרחוק.
משה ניגש לעם ומספר להם את כל מה שאמר אלוהים, העם מסכים לעשות מה שאלוהים אמר.
הם זובחים לאלוהים, משה כורת איתם ברית, ואז עולה להר.
אלוהים אומר למשה שיעלה להר ושם הוא ייתן לו את לוחות האבן עליהם כתובה התורה, משה עולה להר ושם הוא נשאר 40 יום ו-40 לילה.